Contraataca “A segunda lingua”

maxresdefault

Como non podía ser doutra forma dende GM despedimos este ano 2014 cun desexo e unha recomendación.

O desexo … que pasedes unhas felices festas!!! .

A  recomendación.. o último libro de Yolanda Castaño, gañador do XI Premio Fundación Novacaixagalicia de Poesía que agora se publica en  edición bilingüe (galego-castelán) e que ten por título,“La segunda lengua” en  Visor  .

Deste poemario onde poeta e palabra teñen unha relación altamente erótica dixéronse cousas como que:

“O corpo é o corpo e o idioma é o idioma: aí onde chocan, coas palabras que se rabuñan e a pel que non alcanza a tocarse, desenvólvese A segunda lingua. Yolanda Castaño, unha poeta libre que experimentou xa con todas as linguaxes que apelan a todos os sentidos -o escrito, o escoitado, o visto, ata o sabido-, conclúe que quizá falta verbo para nomear o que se necesita, ou todo o contario: que o mundo afoga de tantas voces diferentes. A segunda lingua reflexiona sobre a escritura e a súa tensión coa vida, , sobre a escritura como modo de vida e sobre a escritura como vida paralela, e propón un percorrido belo e durísimo por esas máis dúbidas que certezas: par que a linguaxe, para que o corpo, que espazo entre ambos, por que non ocupalo”.

Elena Medel

A Segunda Lingua é un metapoemario. Unha gramática da composición e un manual de instrucións verboidentitarias. (…) Castiñeiro fala claro: “Realmente escribimos/ porque unha imaxe vale máis que mil palabras”. Aí está: unha imaxe, unha figura literaria, un tropo, unha visión estética que é aleph, grial pluscuamicónico, epifanía dos sentidos. Imprescindible a convivencia con esta “pequena deslenguada en diferido” que Castiñeiro é, habitar os seus versos, ser conscientes de que, cando escribe “onde poño a boca poño a bala”, a posée unha intuición superior, a sabedoría de quen alcanzou a comprender que “a verdade faravos/ escravos”.

Armando Requeixo no El Ideal Gallego e Diario de Ferrol

 

                              

 

La segunda lengua

 

Lembrámosvos que nas Bibliotecas Municipais da Coruña atopardes un amplo fondo de poesía.

Se che apetece coñecelo un pouco mellor..

 Luns 15 de decembro: a poeta Elena Medel conversa coa autora na librería Alberti (Tutor, 57 – 28008), Madrid, ás 19:30h

   Martes 23 de decembro: o filólogo e escritor Carlos Callón conversa coa autora na librería Couceiro (Cervantes, 6 – 15704), Santiago, ás 20h.

Publicado en Audiovisuais, Literatura | Etiquetado , , , , | Deja un comentario

Yolanda Castaño, Berta Dávila e Alvin Pang

Paco Gallego

Fotografía Paco Gallego

Para os que non tivestes a oportunidade de dar na diana asistindo  o pasado luns 20 de outubro na flamante Ágora  ao primeiro recital da tempada de Poetas Di(n) Versos aquí tedes a vosa segunda oportunidade!!!.

Deixámosvos pois coas primeiras verbas dun  poético texto que Yolanda Castaño preparou para a presentación de ese luns que nos deixou versos.

“Seareiras da volta ao cole, poetas antioutonizos, dispostas a renovar os votos da poesía un ciclo máis, benintencionados de principio de curso, primeirizos ben achados, tímidas de ‘probar a ver’, deprimidos postvacacionais na procura de consolo poético, abonadas a canta programación cultural non sexa de pago, vates en crise, lectoras inspiradas, orientalistas, seguidoras de Emma Olsen, amigos de toda a vida, usuarias do centro Ágora, veciños do Agra do Orzán, coruñesas, visitantes, amigos e amigas..

Benvidos á luminosa inauguración da sexta edición de POETAS DI(N)VERSOS.

Por se chegastes un chisquiño tarde á nova: este ciclo de lecturas poéticas vén de levar hai pouco máis dunha semana o Premio da Crítica de Galicia na categoría de Iniciativas Cultura.

Pero como aquí non vivimos dos aplausos senón do traballo, poñámonos mans á obra.

Dúas poéticas fondamente intimistas pero que xamais deixan de tender a man aos outros. Procura da verdade poética, nudez de artificios falaces, sensibilísima honestidade, conexión a un tempo co mundo e co eu. A S do ‘soño’ e do ‘sentimento’ marcóuselles na pel dende que naceron en Santiago e Singapur”.

Se queredes  ler o texto íntegro picade aquí Texto Presentación Poetas Di_N_versos 6.1[1]

Inaugura –polo tanto- por todo o alto a sexta edición de POETAS DI(N)VERSOS a escritora Berta Dávila e o poeta  Alvin Pang

Publicado en Imperdibles, Literatura | Etiquetado , , , , , , | Deja un comentario

SEMENTE ” Os universos non escritos”

wordpress

Tempo,  espazo,  enerxía..   estamos   falando  do  movemento,  a  linguaxe  da danza.

O século XXI e as novas tecnoloxías abriron un amplo abano de posibilidades para a creación. Cada vez os artistas son máis  multidisciplinales e os proxectos tras-media.

Pero para entender ben o concepto podemos dicir que tras- media é unha historia contada de diferentes maneiras en distintas plataformas e no que participan diferentes creadores. Así un proxecto local convértese en universal.

O pasado 12 de setembro a Biblioteca Municipal Os Rosales celebrou un especial adicado á danza, á videocreación e á performance presentando  “Semente, os universos non escritos “. Un claro exemplo de proxecto trans-media que experimenta coa expresión corporal, a danza contemporánea e as múltiples posibilidades que ofrecen outras disciplinas artísticas como a  música, e a videocreación.

Semente é un grito ao entendemento entre a imparable modernidade e a esencia da bondade humana, do Amor e dunha vida en equilibrio co ámbito natural ao que pertencemos. Unha chamada ás bondades do xénero humano que fan crecer no interior de cada un de nós a semente da felicidade.

A montaxe desta intervención realizouse na propia Biblioteca, e os protagonistas foron a performancer Rebecca Yeh, videocreador Guillermo Maceiras (cunha longa experiencia en proxectos culturais en Asia e  América Latina e que,  sen dúbida, é responsable de algunhas das iniciativas máis innovadoras), coreográfa e bailarina Raquel González (que actualmente é a vicedirectora do conservatorio de Lugo onde tamén imparte clases na especialidade de danza contemporanea), e  a música de Illo Muriel.

O encontro consistiu na proxeción simultánea en tres pantallas  diferentes das video creacións rodadas en lugares diferentes do mundo, como Creta (Grecia), Jerusalén (Israel), Chinyi (Taixan), destacando o traballo galego rodado no parque Nacional das Fragas do Eume, no Cañón do Sil, e no Monte Pindo.

Tempo, espazo, enerxía .. deixámosvos con “Semente Galicia

 

No vos perdades a gravación en directo da intervención na Biblioteca Os Rosales

 

 

Lembrade  que nas Bibliotecas Municipais atoparedes:  libros, cds,  dvds e documentais adicados  ao mundo da danza.

Se queredes gozar  da danza contemporánea esta é a nosa recomendación.

Pina

Publicado en Audiovisuais, Danza | Etiquetado , , , , , , , , | Deja un comentario

Poetas Di(n)Versos: Alvin Pang e Berta Dávila

 

poetas 20.10.14

Coa chegada do outono e despois dun merecido descanso estival os luns con Yolanda Castaño volven dicir versos!!!.

Regresa ao flamante Ágora Poetas di (n) versos, o único ciclo estable de poesía de toda España que de forma regular une as linguas e as nacionalidades dos poetas co mellor da poesía tanto local coma internacional e que  recentemente foi premiado pola crítica 2014 na categoría de iniciativas culturais. Parabéns!!!.

Damos pois o pistoletazo de saída ao ciclo o próximo luns 20 de outubro co poeta, escritor e editor  Alvin Pang e a narradora e poeta compostelá  Berta Dávila.

Alvin Pang é un dos autores máis activos da escea actual da cidade estado de Singapur e foi galardonado co Premio Nacional das Artes e a Cultura do seu país. Os seus poemas foron traducidos a quince linguas e ten participado en  festivais e publicacións importantes en todo o mundo.

O que quero compartir

Esta respiración, o aire que intercambiamos

empúrrame ao teu colo

se que me pola negar.

É por iso que te probo

co mero feito de eu vivir.

Por outra banda  a poesía intimista da compostelá Berta Dávila, foi a triunfadora no ano 2013 co premio Johán Carballeíra de poesía a obra  Raíz da fenda, publicada por Xerais  e que obtivo o Premio Nacional da crítica e o premio da AELG ao mellor poemario.

A comenzos do 2014 saío á luz o primeiror traballo da autora para público infantil, A suxida, ilustrado por Inma Doval.

Deixámosvos cos fermosos  poemas que senten, que abren fendas e péchanas, que prenden luces e apáganas, que buscan verdades e atópanas.

  Raíz da fenda.

E non podías irte
porque ti
eras todo canto podiamos
chamar casa;

e sen ti
ficariamos espidas á intemperie,
diluídas na chuvia,
soas,
e sen pasado.

 

Lembrar que nas Bibliotecas Municipais contamos cun amplo fondo adicado a poesía. 

Recomendámovos algúns dos exemplares da escritora  Berta Dávila.

Publicado en Literatura | Etiquetado , , , , , , | 1 Comentario

As Municipais entenden: LeConOrgullo

As Municipais enntenden

 

Neste 28 de xuño do 2014..

#LeConOrgullo aos Poetas que son disconformes, dismodernos como o monfortino  Antón Lopo  e  o esloveno Brane Mozetic.

Eles  fan da súa obra  unha utilización do corpo e do desexo homoerótico como campo de acción política e sexual.

#LeConOrgullo aos Poetas que coñecen desobra que o privado é público e posiciónanse sen reparos fronte ao mundo nos seus respectivos últimos traballos ; Antón con  Lampíricos no que conflúen  a oralidade e a poesía textual, á videocreación e a poesía conceptual, pasando pola performance ou a lírica salvaxe e Brane co seu descarnado poemario traducido ao castelán  Banalidades.

 #LeConOrgullo os versos do poemarío  Carnia Haikai de  Elvira Riveiro Tobio que din canto libamento e imbadura sexual poidamos imaxinar, orquestrando unha auténtica orxía de sensacións dérmicas e fluencias orgasmáticas que enervan os sentidos e convidan ao libre colidir dos desexos.

“Adoro a nosa/ relación trisexual,/ o triunvirato…/… esta homenaxe/ ao trilingüismo harmónico/ ao tripartito…/…ser tripolar,/ comer por tres, así,/ preñada de dous”.

Decir que  tivemos a sorte de contar con eles en vivo e en directo nunha sesión do magnífico Ciclo de poesía Poetas di (n) versos que dirixe Yolanda Castaño e que  ten a súa sede no Centro Cultural Ágora.

ConOrgullo deixámoste pois con Antón Lopo e Brane Mozetic.

 

Recorda que nas Bibliotecas Municipais atoparás  exemplares destes Orgullosos escritores. Esperámoste!!

 

As Municipais enntenden

 

 

 

Publicado en Imperdibles, Literatura, Uncategorized | Etiquetado , , , , , , , | Deja un comentario

“Entra, descobre, comparte, reverb us”: Reverbas.

 

 

maxresdefault

 

Música, documentais e street art….

Nace nun pequeno recuncho do planeta con ganas de comerse o mundo a bocados ReverbasUnha plataforma de difusión de contidos artísticos e culturais na que ti tamén podes achegar o teu granito de area.

Os integrantes diste  grupo son  catorce persoas, todos estudantes de comunicación audiovisual, cun carácter loitador que, durante polo menos catro anos, estiveron a intentar encontrar o seu  lugar no mundo da cultura do audiovisual.

Como eles mesmos din “A intención desta plataforma é dar a  coñecer aqueles talentos ocultos e formas artísticas que nos medios tradicionais non teñen cabida; pretendemos achegar novos puntos de vista sobre temas polémicos ou poucos tratados polos medios de comunicación; pretendemos tamén interactuar convosco, os usuarios, así como construír unha rede artística con pouca presenza no noso ámbito”.

Galicia Móvese dá a benvida a esta nova plataforma.. Entra, descobre, comparte, reverb us”: Reverbas.

 

 

 

 

 

 

 

 

Publicado en Audiovisuais, Danza, Imperdibles, Música, Teatro | Etiquetado , , , , , , | Deja un comentario

(S8) V Mostra de Cinema Periférico

Cartel-S82014-PNG-para-web-528x751

Esta semana -do 4 ao 8 de xuño- A Coruña convértese de novo en epicentro do cine experimental e de vangarda na quinta edición do (S8), a mostra de cinema periférico. Nesta ocasión, cun programa especial dedicado a Xapón, dentro da celebración do Ano Dual España-Xapón que conmemora os 400 anos de relacións entre ambolosdous países.

O cinema nipón, polo tanto, será o principal protagonista da mostra, aínda que non o único, e terá unha presencia destacada dentro das distintas seccións do festival, que, como de costume, abranguen diversos formatos e formas de expresión cinematográficas. Así, haberá ocasión de achegarse ás orixes do cine xaponés con varias proxeccións de cinema mudo e tamén de coñecer as últimas manifestacións do seu cine máis alternativo a través, por exemplo, da obra en super 8 de autores contemporáneos, con mención especial á retrospectiva da de Takahiko Iimura, coñecido polas súas colaboracións con Yoko Ono e o colectivo Fluxus.

Non faltará tampouco a posibilidade de gozar do cine performativo -a imaxe convertida en performance- nas xa habituais seccións de Desbordamentos ou na de A segunda vida das imaxes, así como de coñecer o que se está a facer a nivel experimental en Galicia na de Sinais.

Ademáis, como en anteriores edicións, haberá distintas actividades paralelas ao festival, é dicir, exposicións, encontros con autores, conferencias, así como outras de carácter didáctico, como por exemplo o Taller de Acción! cinematográfica dentro do Mini (S8).

O grueso da programación desenvolverase na Fundación Novacaixagalicia, sede principal, pero parte dela tamén se levará a cabo nas sedes satélites do Teatro Rosalía de Castro, CGAI, Fundación Luis Seoane, Kiosco Alfonso, Normal e MAC. Podes consultala polo miúdo aquí.

Un ano máis, e vai un lustro xa, é un luxo e un privilexio contar na nosa cidade cun festival destas características, cunha aposta clara e decidida de fomentar e recuperar o cine como expresión artística. Bótalle unha ollada o trailer da edición deste ano:

Publicado en Audiovisuais, Eventos | Etiquetado | Deja un comentario

Poetas Di(n)Versos: Fran Alonso e Antonie Cassar

Fran Alonso e Antoine Cassar                               Fran Alonso, Antonie Cassar e Yolanda Castaño

Este  foi o estupendo texto que  Yolanda Castaño preparou para a presentación dos  escritoras Fran Alonso  e Antonie Cassar no útlimo recital do 2013  de poetas Di (n)Versos  que se celebrou no Centro Cultural Ágora.

“Os nosos dous convidados  teñen reflexionado os dous sobre os fluxos migratorios, o concepto de estranxeiría e a idea de fronteira. Teñen pisado campamentos de refuxiados, latitudes en vías de desenvolvemento, mais tamén as localizacións da industria literaria internacional.

Dúas voces cidadás do mundo, escribindo sobre ese gume tan fino que son todos os lindes -a todos os niveis- e espallando os seus textos polo mapa aberto do mundo.

Aínda que con quince anos de diferenza, os dous naceron e medraron non lonxe do mar, os dous teñen experiencia como editores, adoran viaxar, cren que a literatura nos axuda a ser mellores persoas, viven a poesía con auténtica paixón pero sen poses, e estimúlanlles os proxectos nos que poden transcender a soidade do escritor e dar a man a outros e outras.

Poesía sentida dende unha fonda xenerosidade, a convicción da humanidade e o desexo de compartir. Os dous, ademais, séntense poetas empadroados no enorme planeta Terra.”

  Deixote pois con as voces de Fran Alonso  e Antonie Cassar. 

 

Publicado en Literatura | Deja un comentario

Tinta Bacanal

Tinta bacanal cartel

 

A eterna discusión sobre a arte contemporánea, sobre a súa función, o seu sentido, a súa intelixibilidade, etc., non rematará -nin debería facelo- nunca. Pero o certo e que, dende que o dadaísmo lles abriu a veda as vangardas artísticas a comenzos de século XX, o concepto clásico de arte xa nunca volverá a ser o que era. A base de ironía e irreverencia foi definitivamente desacralizado e viuse obrigado a baixar do seu pedestal para entrar nunha nova época no que o sentido lúdico da expresión artística iba a pasar a xogar, nunca mellor dito, un papel clave.

A literatura, por suposto, non quedou á marxe desta transformación e decontado xurdiron novas técnicas de escritura entre as distintas faccións vangardistas. A idea básica consistía en rachar cos modos convencionais de escribir para saír dos lugares comúns e explorar novas formas de expresión: cara a creatividade pola ruptura das regras. Así naceron, por exemplo, os célebres cadáveres exquisitos, creados polos surrealistas, xogos de palabras compostos a varias mans cuxo obxectivo era facer emerxer a espontaneidade creativa do inconsciente colectivo.

O que non podían prever Breton, Eluard, Tzara e compañía era a futura irrupción de Internet e as posibilidades que iso abriría de cara a multiplicar o número de mans intervintes na confección dos seus artiluxios literarios. E xustamente esa é a idea que desenvolven o colectivo Tinta Bacanal no seu estupendo blog de xogos literarios. Os seus membros recollen o testigo da idea surrealista de experimentación e escritura grupal pero aproveitándose do potencial que ofrecen as redes sociais para elevar se cadra un grado máis o seu nivel de interactividade.

Con motivo da conmemoración do Día das Letras Galegas, invitámoslles a presentar o blog e, de paso, celebrar unha sesión de xogos literarios na Biblioteca de Os Rosales. Quedades convidados. De aperitivo, esta entrevista na que nos fan un pequeno avance:

Publicado en Literatura, Na rede | Etiquetado , | Deja un comentario

Poetas Di(n)Versos; Iolanda Zúñiga e María Eloy-García

 

 

Poetas Di (n) Versos

Poetas di(n)versos

Iolanda Zúñiga, María Eloy- García e Yolanda Castaño

 

Este  foi o estupendo texto que  Yolanda Castaño preparou para a presentación das  escritoras Iolanda Zúñiga e María Eloy-García no útlimo recital de poetas Di(n)Versos  que se celebrou o pasado luns 14 de abril no Centro Cultural Ágora.

“Abrileiras crueis, terroristas do verso, santas, castigadas sen vacacións, devotos da seita thermomixeira, rebentadoras de preceptos poéticos, campechanas, sureños de toda condición, exquisitas lerchas, escépticos antilíricos, icona-plastas, re-vellos, despistados que pasaban por aquí pero que lles vai a marcha, literaturfans destroyers, poetas gamberras, visitantes dos barrios, veciñas do todo-Coruña, amigos e amigas

Hoxe as nosas convidadas volven ter non pouco en común. Sobre todo unha visión brutalmente honesta da literatura, capaz de baixala de todo pedestal.

Lonxe das afectacións, a anos luz das repunantes imposturas, con gana de desempoarlle as capas de solemnidade e amaneramento. Nada disto quere dicir que Iolanda e María sexan unhas neófitas á literatura e unhas bárbaras cargándose sonetos ás toas. Antes moi ao contrario: as dúas son grandes, minuciosas coñecedoras da tradición e das tradicións literarias que rastrexa e estudan con atención, fondo respecto… e ás veces –é certo– certa distancia.

Nacidas nos 70, amantes de outros xéneros creativos, carismáticas, libérrimas, un pouco enfant-terribles das letras, só un pouquichiño ovellas negras da familia.

Comparten unha visión tan pouco ‘funcionaria’ da poesía, que as dúas se dedican ou dedicaron a todo tipo de oficios curiosos no seu tempo menos libre; o mundo do cómic maiormente no caso de María e os da interpretación, a música e tamén a hostalería no de Iolanda.

 As dúas sempre un pouco actrices, de escenarios e de rúa, dos papeis e da vida. As neuroses, as periferias….

Elas, que poderían contar ou calar tantas historias. O punk, o de Joy Division ou o da movida viguesa. Inspíranse no supermercado ou na cociña dun fast-food.

Danlles brillo ás súas deliciosas contradicións. Perden os nervios… e volven atopalos. Engánchanse, bican o chan… pero con lingua, apaixonadamente.

Son imperfectas, incompletas. Fallan de novo, fallan mellor.”

Deixámosvos pois con as voces de Iolanda Zúñiga e María-Eloy-García 

Publicado en Literatura | Etiquetado , , , , , | Deja un comentario