Hoxe inauguramos o 2014 con este post adicado ao recital dos poetas Díaz-Pimienta e Luis » O Carucho» que o pasado 13 de xanerio tivo lugar na nosa flamenate Ágora dentro do Ciclo de Poesía Poetas Di(n)Versos.
Unha sesión que en palabras de Yolanda Castaño é algo atípica e que escapa aos límites da páxina. Visita un fenómeno enormemente popular e universal coma a expresión humana; tan popular, tan estendido e tan global é, que non é máis ca un mesmo fenómeno que acada distintos nomes en cada territorio onde se manifesta: Repentismo no Caribe e Regueifa aquí. Dúas manifestacións do poético pero que o levan aos terreos da oralidade, do desafío e da improvisación.
E tivemos a sorte, o luxo, de contar con dúas das voces máis experimentadas nestes esvaradíos terreos, dous dos representantes máis sobranceiros nos respectivos países de Galicia e Cuba.
Os dous naceron a carón do mar, con 5 anos de diferenza en torno ao cambio de década dos 60 aos 70. Os dous se deixaron empapar das músicas populares e das tradicións das súas terras, os dous colaboran con grandes músicos e, sobre todo, teñen percorrido quilómetros e quilómetros tanto para a amosar a súa arte como para tratar de aprenderlla a outros.
Son valentes, afoutos, obviamente elocuentes, nadan con soltura nas augas da expresividade verbal e sóbralles paixón para tratar de contaxiala.
Deixámosvos pois co… Luis «O Caruncho» e Díaz-Pimienta
GALICIA MÓVESE 