Benvidos a GM, un espazo adicado a dar apoio e difusión á actualidade cultural galega, realizado dende a Biblioteca Municipal de Os Rosales, na cidade da Coruña. GM é tanto un espazo físico, na biblioteca, como virtual, aquí na rede. Námbolos dous o que pretendemos é dar a coñecer todo tipo de propostas e manifestacións artísticas en calquera soporte e formato.
Na biblioteca podes atopar dende poesía, narrativa, teatro, ensaio, revistas especializadas, a cd´s, catálogos, pezas orixinais de ilustradores, pintores, escultores, etc., todo de artistas galegos ou vinculados a Galicia.
Na rede publicaremos periodicamente entrevistas aos artistas e reportaxes sobre eventos culturais. O que queremos é que vexades quen son, onde e como traballan, nas súas propias palabras. Nós lles poñemos voz e cara, e ti pós os teus comentarios. Porque iso é o importante, poder xuntarnos a falar do que nos gusta, que é a arte.
Estámoste agardando.
Para empezar, ración dobre:
GALICIA MÓVESE 
galicia móvese debaría ser «o todo» na biblioteca, dijo eu que facer algo aparte …???
Ola, Isabel. Desculpa a tardanza na resposta, pero é que nos colliches no medio das vacacións. Non sabemos se GM debería ser «o todo» da biblioteca como dis, pero estamos contentos de que sexa unha parte, tan importante como calquera das demais.
Grazas polo teu comentario!
http://galiciamovese.xunta.es/web/axenda.php
Si, parece ser que existe unha páxina da Xunta que casualmente ten o mesmo nome ca nosa, aínda que esa web chamábase antes Culturavai.info, e logo cambiárono.
Cousas que pasan…
Graciñas por avisar!
Pingback: Alberto Vázquez e Oliver Laxe, premiados « Galicia móvese